കണ്ണൂർ : എം.ഡി.എം.എ.യുമായി സി.പി.എം. വളപട്ടണം ലോക്കൽ കമ്മിറ്റിയംഗം വി.കെ. ഷമീർ കണ്ണൂരിൽ പിടിയിലായി. 18 ഗ്രാം എം.ഡി.എം.എ.യുമായാണ് ഇയാളെ പിടികൂടിയത്. ബംഗളൂരുവിൽ നിന്ന് കാറിൽ കടത്തിക്കൊണ്ടുവരികയായിരുന്നു ഷമീർ. ഷമീർ നേരത്തെ ലഹരി വിരുദ്ധ റാലിയുടെ സംഘാടകനായിരുന്നു.
ബെംഗളൂരുവിൽ നിന്ന് സുഹൃത്തിനൊപ്പം കാറിൽ എംഡിഎംഎ കടത്തുമ്പോഴാണ് ഷമീർ പിടിയിലായത്. ഇരിട്ടി കൂട്ടുപുഴയിൽ വാഹന പരിശോധനക്കിടെയാണ് 18 ഗ്രാം എംഡിഎംഎയുമായി ഇയാളെ പൊലീസ് കസ്റ്റഡിയിലെടുത്തത്. കാറിൽ രഹസ്യ അറയുണ്ടാക്കി അതിലാണ് എംഡിഎംഎ കടത്തിയത്.
രഹസ്യവിവരത്തിന്റെ അടിസ്ഥാനത്തിലാണ് പൊലീസ് പരിശോധന നടത്തിയത്. ഡിവൈഎഫ്ഐ പ്രാദേശിക നേതാവായ ഷമീർ കഴിഞ്ഞ തദ്ദേശ തിരഞ്ഞെടുപ്പിൽ വളപട്ടണം ഗ്രാമപഞ്ചായത്തിലെ അഞ്ചാം വാർഡില് എൽഡിഎഫ് സ്ഥാനാർത്ഥിയായിരുന്നു. കഴിഞ്ഞ ദിവസം വളപട്ടണത്ത് സിപിഎം സംഘടിപ്പിച്ച ലഹരിവിരുദ്ധ റാലിയുടെ സംഘാടകരിൽ ഒരാൾ കൂടിയായിരുന്നു ഷമീർ. ഷമീറിനെ അന്വേഷണ വിധേയമായി പാർട്ടിയിൽ നിന്ന് സസ്പെൻഡ് ചെയ്തതായി സിപിഎം അറിയിച്ചു.
Leave a Reply