ആലപ്പുഴ : മാരാരിക്കുളം ഓമനപ്പുഴയില് യുവതിയെ കഴുത്തുഞെരിച്ച് കൊലപ്പെടുത്തിയ കേസില് അച്ഛന് പിന്നാലെ അമ്മയെയും പോലീസ് അറസ്റ്റ് ചെയ്തു. മാരാരിക്കുളം തെക്ക് പഞ്ചായത്ത് 15-ാം വാര്ഡ് ഓമനപ്പുഴ കുടിയാംശ്ശേരില് എയ്ഞ്ചല് ജാസ്മിനെ(28) കൊലപ്പെടുത്തിയ കേസിലാണ് അമ്മ ജെസിയെയും പോലീസ് അറസ്റ്റ് ചെയ്തത്. മകളെ കൊലപ്പെടുത്തിയതിന് അച്ഛന് ജോസ്മോനെ പോലീസ് കഴിഞ്ഞദിവസം അറസ്റ്റ് ചെയ്തിരുന്നു.
യുവതിയുടെ അമ്മാവൻ അലോഷ്യസിനെയും കേസിൽ പ്രതി ചേർത്തു. ജോസ്മോൻ മകളുടെ കഴുത്തിൽ തോർത്ത് മുറുക്കുമ്പോൾ ജെസി കൈകൾ പിടിച്ചുവച്ചുവെന്ന് പോലീസ് കണ്ടെത്തിയതോടെയാണ് ഇവരെ പ്രതി ചേർത്ത് അറസ്റ്റ് രേഖപ്പെടുത്തിയത്.
മൂന്നുവര്ഷം മുന്പ് വിവാഹിതയായ എയ്ഞ്ചല് ജാസ്മിന്, ഭര്ത്താവുമായി വഴക്കിട്ട് അഞ്ചുമാസമായി സ്വന്തം വീട്ടിലായിരുന്നു. ഇവിടെ വന്നശേഷം അച്ഛനും അമ്മയുമായും മറ്റു കുടുംബാംഗങ്ങളുമായും വഴിക്കിടുന്നതു പതിവായിരുന്നു. ജോസ്മോന് തടഞ്ഞെങ്കിലും ചൊവ്വാഴ്ച രാത്രി സ്കൂട്ടറെടുത്ത് എയ്ഞ്ചല് പുറത്തുപോയി. തിരികെയെത്തിയപ്പോള് എയ്ഞ്ചലും ജോസ്മോനുമായി മല്പ്പിടിത്തമുണ്ടായി. ഇതിനിടെ തറയില് വീണ തോര്ത്തുപയോഗിച്ച് ജോസ്മോന്, എയ്ഞ്ചലിനെ കഴുത്തുഞെരിച്ച് കൊല്ലുകയായിരുന്നു. ഈ സമയം ജെസിയും കൂടെയുണ്ടായിരുന്നു.
Leave a Reply