തിരുവനന്തപുരം : തിരു.മെഡിക്കൽ കോളേജിനെതിരെ വീണ്ടും ആരോപണം. പാറശാല സ്വദേശിയായ നിവാസാണ് തന്റെ അമ്മയുടെ മരണത്തിന് കാരണം തിരു.മെഡിക്കൽ കോളേജിലെ ഡോക്ടർമാരുടെ അനാസ്ഥയാണെന്ന പരാതിയുമായി രംഗത്തെത്തിയത്. ചികിത്സയിലിരിക്കെയാണ് നവാസിന്റെ അമ്മ ജമീല മരിച്ചത്.
“മെഡിക്കൽ കോളേജിൽ അഡ്മിറ്റായിട്ട് ഒരാഴ്ചയായി. ഇതിനിടയിലാണ് ബ്ലിഡിംഗ് വന്നത്. പാറശാലയിൽ ഒരു മാസത്തോളം കിടന്നു. കുറവില്ലാത്തതിനാലാണ് ഇങ്ങോട്ടേക്ക് അയച്ചത്. ആദ്യമൊക്കെ കുഴപ്പമില്ലായിരുന്നു. സർജറി ഡോക്ടറെ നാല് ദിവസമായി വിളിച്ചിട്ടും വന്നിട്ടില്ല”.
“അമ്മയെ ഡിസ്ചാർജാക്കും വീട്ടിൽ കൊണ്ടുപോയി എന്നും ഡ്രസ് ചെയ്താൽ മതിയെന്നാണ് ആദ്യം പറഞ്ഞത്. പിന്നീട് അവിടെ തന്നെ അഡ്മിറ്റാക്കി. രാവിലെ ഷുഗർ കുറഞ്ഞു. ബാത്റൂമിലേക്ക് കൊണ്ടുപോകുന്ന വഴി കുഴഞ്ഞുവീണു. ഷുഗർ കുറഞ്ഞതാണ് മരണകാരണമെന്നാണ് ഡോക്ടർമാർ പറയുന്നത്”.
അഞ്ച് ദിവസം തറയിലാണ് കിടത്തിയിരുന്നത്. ഒരു ബെഡ്ഡിൽ രണ്ട് പേരാണ് കിടക്കുന്നത്. അത് ബുദ്ധിമുട്ട് ആയതിനാൽ തറയിൽ കിടക്കാൻ പറഞ്ഞു. നാലാം വാർഡിൽ ആരെങ്കിലും പോയി നോക്കണം. ആർക്കും അവിടെ ചികിത്സ കിട്ടുന്നില്ല എന്നും യുവാവ് ആരോപിക്കുന്നു.
Leave a Reply